Apple men Google-dyń koronavirýs juqtyrǵan adammen bailanystardy qadaǵalaýǵa arnalǵan jańa tehnologiiasy olardyń ornalasqan jerin naqty anyqtaýǵa jol bermeidi. Bul týraly Techcrunch basylymy kompaniia jariialaǵan aqparatqa siltei otyryp jazǵan.
Smartfondarǵa arnalǵan operatsiia júiesin jasaityn, álemdegi smartfon rynogynyń 99 paiyzǵa jýyǵyn baqylaityn eki iri kompaniia smartfon ielerine koronavirýstyń jańa túrin juqtyrǵan adammen bailanysta bolǵanyn eskertetin tehnologiia jasap jatyr. Ótken aptada tehnologiianyń alǵashqy nusqalary belgili boldy.
Dúisenbide kompaniia bul tehnologiia koronavirýs juqtyrǵandardy geolokatsiiaǵa bailap qoiýǵa múmkindik bermeitinin málimdedi. Olar osylaisha óz klienteriniń jeke qupiiasyn qorǵaýdy jáne úkimetten de qorǵaýdy josparlap otyr dep jazady Reuters agenttigi.
Koronavirýsqa qatysy bar birneshe qosymsha jasaǵandar "naýqastardy geolokatsiiaǵa bailaý - virýstyń taralymyn baqylap, epijdemiia oshaǵyn anyqtaýǵa yńǵaily" dep sanaidy. Techcrunch koronavirýs juqtyrǵandardyń geolokatsiiasyn qadaǵalaý múmkindigi Apple men Google jańa tehnologiiasyn paidalanbaityn qosymshalarda qala beredi dep naqtylaǵan.
Dúisenbide kompaniialar britan rynogyna arnalǵan baǵdarlamanyń test nusqasyn maquldady dep habarlaidy Bi-bi-si.
Koronavirýs infektsiiasyn juqtyrǵandarmen qarym-qatynasta bolǵan adamdardy qadaǵalaýǵa arnalǵan tehnologiia jasaý jóninde korporatsiialar sáýirdiń basynda ýaǵdalasqan. Bastapqy boljam boiynsha, smartfondy paidalanýshylardyń ózderi COVID-19 juqtyrǵanyn habarlaidy, sodan keiin olardyń telefondary eki apta ishinde jeke qarym-qatynasta bolǵan adamdaryna bul jóninde jasyryn eskertý berip turady.
