Qazaqstanda apatty oqiǵalardan mindetti saqtandyrý engiziledi. Bul týraly Senat depýtattarynyń saýalyna Premer-Ministr Oljas Bektenovtiń jaýabynda aitylǵan.
«Halyqaralyq tájiribeni zerdeleý jáne Qazaqstannyń saqtandyrý naryǵyn taldaý qorytyndysy boiynsha jumys toby Qazaqstanda apatty oqiǵalardan mindetti saqtandyrýdy engizý týraly sheshim qabyldady. Tiisti zań jobasyn Qarjy naryǵyn retteý jáne damytý agenttigi ázirleitin bolady», - delingen Úkimet basshysynyń jaýabynda.
Premer-Ministrdiń atap ótýinshe, Qarjy naryǵyn retteý jáne damytý agenttigi mynadai is-sharalardy ótkizýdi josparlap otyr:
- - memlekettik organdardyń jaýapty oryndaýshylaryn aiqyndai otyryp, Apatty oqiǵalardan saqtandyrýdy engizý jónindegi jol kartasyn ázirleý jáne bekitý;
- - apatty oqiǵalardan saqtandyrý modelin ázirleý jáne bekitý;
- - apatty oqiǵalardan saqtandyrýdy engizý boiynsha zańnamalyq túzetýlerdi qosa alǵanda, normativtik quqyqtyq bazany daiyndaý.
Aita keteiik, Senat depýtattary tabiǵi apattar saldarynan keltirilgen zalaldy óteý tártibin retteý men halyqty tabiǵi apattardan, onyń ishinde sý tasqynynan saqtandyrýǵa jáne qorǵaýǵa baǵyttalǵan tiisti zań jobasyn ázirleýdi usynǵan bolatyn.
