- 2016 jyly Siriia, Livan, Irak jáne Iemenniń 70 myńǵa tarta zańsyz migranty Aziiadaǵy ózara yqpaldastyq jáne senim sharalary jónindegi keńes (AÓSShK) aýmaǵyna ótip ketken. Bul týraly búgin AÓSShK bas xatshysynyń orynbasary Valerii Semerikov málim etti, dep xabarlaidy Ult.kz tilshisi QazAqparat agenttigine silteme jasap.
«Biyl jyl áli tolyq aiaqtalmasa da, AÓSShK uiymyna múshe memleketterdiń aýmaǵyna Siriia, Livan, Irak jáne Iemenniń 70 myńǵa tarta zańsyz migranty enip ketken. Olardyń 63 myńy TMD elderinen keldi. Olar tranzitpen kelgeni anyq. Qalǵandary boiynsha jumys júrgizilýde», - dedi ol Astanada uiymǵa múshe elderdiń zańsyz migratsiiamen kúres organdarynyń úilestirý keńesiniń otyrysynda.
Onyń aitýynsha, TMD elderinde zańsyz júrgen migranttar boiynsha shuǵyl sharalar qoldanyldy. Olardyń basym bóligi elden shyǵaryldy.
«2016 jyly Aýǵanstannan 22 myń adam AÓSShK elderine zańsyz kóshken. Olar Taiaý Shyǵystan kelgen migranttardan kóp. Olar boiynsha tiisti jumystar atqarylýda», - dedi Semerikov.
RF Ishki ister ministriniń birinshi orynbasary Aleksandr Gorovoidyń aitýynsha, Taiaý Shyǵystan kelgen migranttardyń basym bóligi jalǵan qujattarmen kelgen.
«Biz qazir Siriia men Irak bandalary urlap ketken 60 myńnan astam pasporpen jumys jasaýdamyz. Olardy lańkester men top músheleri qoldandy dep boljaýǵa bolady», - dedi ol.
Barlyq quqyqtar qorǵalǵan. inform.kz belsendi siltemeni paidalanyńyz http://www.inform.kz/kz/aosshk-siriya-men-iraktyn-60-mynnan-astam-migranty-tmd-arkyly-shekara-askan_a2970523
