Aziiadaǵy ózara is-qimyl jáne senim sharalary keńesiniń Syrtqy ister ministrleri Aýǵanstanǵa qatysty aýqymdy málimdeme qabyldady.
Bul týraly atalǵan keńes Syrtqy ister ministrleriniń 6-kezdesýinen keiin AÓISShK hatshylyǵynyń atqarýshy direktory Qairat Sarybai aitty, dep habarlaidy QazAqparat.
«Syrtqy ister ministrleri Aýǵanstanǵa qatysty aýqymdy málimdeme qabyldady. Ol birneshe aspektini qamtidy. Birinshi kezekte múshe memleketter Aýǵanstandaǵy beibitshilik pen damýdy qalpyna keltirý AÓISSh-niń barlyq óńiriniń qaýipsizdigi men turaqtylyǵy úshin basty jaǵdai ekendigin bildirdi», - dedi ol BAQ ókilderine.
Jalpy, AÓISShK hatshylyǵynyń atqarýshy direktorynyń atap ótýinshe, kezdesýge kelgen delegatsiia basshylary Aýǵanstandaǵy ahýal ózderin qatty alańdatatyndyǵyn aitqan.
«Kóshpeli kezeń qalai tezirek aiaqtalsa, Aýǵanstan soǵurlym jyldam óńiraralyq protsesterge, ózara bailanys protsesterine qosylady. Sol arqyly eldiń órkendeý jolyna túskendigin erterek atap ótýge múmkindik týady», - dedi Qairat Sarybai.
