ازيياداعى ٶزارا ٸس-قيمىل جەنە سەنٸم شارالارى كەڭەسٸنٸڭ سىرتقى ٸستەر مينيسترلەرٸ اۋعانستانعا قاتىستى اۋقىمدى مەلٸمدەمە قابىلدادى.
بۇل تۋرالى اتالعان كەڭەس سىرتقى ٸستەر مينيسترلەرٸنٸڭ 6-كەزدەسۋٸنەن كەيٸن اٶٸسشك حاتشىلىعىنىڭ اتقارۋشى ديرەكتورى قايرات سارىباي ايتتى, دەپ حابارلايدى قازاقپارات.
«سىرتقى ٸستەر مينيسترلەرٸ اۋعانستانعا قاتىستى اۋقىمدى مەلٸمدەمە قابىلدادى. ول بٸرنەشە اسپەكتٸنٸ قامتيدى. بٸرٸنشٸ كەزەكتە مٷشە مەملەكەتتەر اۋعانستانداعى بەيبٸتشٸلٸك پەن دامۋدى قالپىنا كەلتٸرۋ اٶٸسش-نٸڭ بارلىق ٶڭٸرٸنٸڭ قاۋٸپسٸزدٸگٸ مەن تۇراقتىلىعى ٷشٸن باستى جاعداي ەكەندٸگٸن بٸلدٸردٸ», - دەدٸ ول باق ٶكٸلدەرٸنە.
جالپى, اٶٸسشك حاتشىلىعىنىڭ اتقارۋشى ديرەكتورىنىڭ اتاپ ٶتۋٸنشە, كەزدەسۋگە كەلگەن دەلەگاتسييا باسشىلارى اۋعانستانداعى احۋال ٶزدەرٸن قاتتى الاڭداتاتىندىعىن ايتقان.
«كٶشپەلٸ كەزەڭ قالاي تەزٸرەك اياقتالسا, اۋعانستان سوعۇرلىم جىلدام ٶڭٸرارالىق پروتسەستەرگە, ٶزارا بايلانىس پروتسەستەرٸنە قوسىلادى. سول ارقىلى ەلدٸڭ ٶركەندەۋ جولىنا تٷسكەندٸگٸن ەرتەرەك اتاپ ٶتۋگە مٷمكٸندٸك تۋادى», - دەدٸ قايرات سارىباي.
