Almaty qalasynyń memlekettik bas sanitar dárigeri Jandarbek Bekshin onlain brifing barysynda "balalarǵa vaktsina qashan salynady" degen suraqqa jaýap berdi, dep habarlaidy "Ult aqparat".
Onyń aitýynsha, elimizde koronavirýsqa qarsy salynyp jatqan vaktsinanyń barlyǵy 18 jastan asqandarǵa arnalǵan.
«Elimizde koronavirýsqa qarsy salynyp jatqan vaktsinanyń barlyǵy 18 jastan asqandarǵa arnalǵan. «Balalarǵa vaktsina salynady eken» degen qaýeset halyqty úreilendirip jatyr. Vaktsinanyń balalarǵa salynatynyn rastaityn eshqandai resmi qujat joq. Sondyqtan mundai ańyz aqparatty taratýdy doǵarý kerek. Onyń barlyǵy halyqty alańdatý maqsatynda jasalyp jatyr dep oilaimyn. Elimizde 18 jasqa deiingi balalarǵa vaktsina salý máselesi qaralmaǵan», - dedi Jandarbek Bekshin.
Onyń aitýynsha, jyl basynan beri bir jasqa tolmaǵan 1180 náreste koronavirýs juqtyrǵan.
«Al shilde aiynyń eki aptasynda 185 náreste aýyrǵan. Olarǵa ata-anasynan, iaǵni otbasynda juǵyp jatyr. Bir jasqa tolmaǵan náresteler qai jeri aýyryp turǵanyn aita almaidy. Sondyqtan olardy qorǵaý kerek. Onyń ústine 18 jasqa tolmaǵan balalar arasynda da aýrýshańdyq ósip barady. Byltyr 280 oqýshy aýyrsa, biyl 5 myńǵa jetti. Sondyqtan qaýipsizdik sharalaryn ustanýymyz kerek», - dedi Jandarbek Bekshin.
