Memleket basshysynyń Ókimimen Ánýar Tóleýhanuly Sadyqulov Qazaqstan Respýblikasy Ulttyq qaýipsizdik komiteti Tóraǵasynyń orynbasary – «A» Arnaýly maqsattaǵy qyzmetiniń direktory bolyp taǵaiyndaldy, dep habarlaidy "Ult aqparat" Aqordaǵa silteme jasap.
Memleket basshysynyń Jarlyǵymen Ánýar Tóleýhanuly Sadyqulov basqa jumysqa aýysýyna bailanysty Qazaqstan Respýblikasy Memlekettik kúzet qyzmetiniń bastyǵy qyzmetinen bosatyldy.
Ánýar Tóleýhanuly Sadyqulov 1967 jyly 7 qazanda Almaty qalasynda dúniege keldi.
1991 jyly Almaty zooveterinar institýtyn bitirgen. 2000 jyly Abai atyndaǵy Almaty memlekettik ýniversitetiniń zań fakýltetin úzdik támamdaǵan. 1985-1987 jyldary KSRO QK qatarynda merzimdik áskeri qyzmetten ótti. 1992 jyly QR Prezidenti Kúzet qyzmetiniń áskeri qyzmetine alyndy. Qyzmetin QR Prezidenti jeke kúzetiniń ár túrli ofitserlik jáne basshylyq laýazymdarynda ótkergen. 2006 jyly QR Prezidenti Kúzet qyzmeti bastyǵynyń orynbasary –jeke kúzet departamentiniń bastyǵy bolyp taǵaiyndaldy. 2012 jyly QR Prezidenti Kúzet qyzmeti bastyǵynyń orynbasary – Prezident qaýipsizdigi qyzmetiniń bastyǵy laýazymyna taǵaiyndalǵan. 2013 jyly QR Prezidenti Kúzet qyzmetiniń bastyǵy boldy. 2014 jyly Memleket basshysynyń ókimine sáikes QR Memlekettik kúzet qyzmetiniń bastyǵy bolyp taǵaiyndaldy; Qazaqstan Respýblikasy Ulttyq qaýipsizdik komiteti tóraǵasynyń orynbasary – QR UQK «A» arnaiy qyzmetiniń direktory (2014-2019).
2019 jyldyń maýsymynan Qazaqstan Respýblikasy Memlekettik kúzet qyzmetiniń bastyǵy boldy.
2-dárejeli «Aibyn» jáne «Andropov» ordenderimen, 11 medalmen marapattalǵan.
