Almatydaǵy №1 qalalyq emhananyń bas dárigeri Azamat Zaiyrov vaktsinatsiianyń mańyzdylyǵy týraly aitty, dep habarlaidy QazAqparat.
Onyń aitýynsha, koronavirýs juqtyrǵandar sanynyń artýyna bailanysty №1 qalalyq emhananyń mobildi toptary kúsheitilgen rejimde jumys istep jatyr.
«Bizdiń emhanada 6 dáriger men 9 medbikeden turatyn 6 mobildi top jumys isteidi. Sonymen qatar, eresekter men balalar bólimine arnalǵan 2 dáriger men 3 medbikeden turatyn filtr-bólmesi bar. Koronavirýspen kúresýge 4 sanattaǵy jedel járdem brigadasy da jumyldyryldy, onyń quramynda 4 feldsher men sonsha dispetcher bar», - dedi ol.
Bas dáriger búginde koronavirýs juqtyrǵan 350 naýqas Almatydaǵy №1 emhananyń meditsinalyq toptarynyń baqylaýynda ekenin tilge tiek etti.
Ózin-ózi qorǵaý úshin emhana qyzmetkerleriniń barlyǵy koronavirýs infektsiiasyna qarsy vaktsina saldyrdy.
«335 meditsina qyzmetkeriniń ishinde 323 adamǵa ekpe jasaldy. Bul jalpy kórsetkishtiń 96%-y, qalǵan qyzmetkerlerde meditsinalyq qarsy kórsetkishter bar», - dedi Azamat Zaiyrov.
№1 emhananyń bas dárigeri Gam-Kovid-Vak (Spýtnik-V) vaktsinasynyń birinshi komponentin 2 aqpanda, al ekinshi komponentti 2021 jyly 23 aqpanda alǵanyn aitty.
Bas dáriger emhanada egý protsesi qalai uiymdastyrylǵanyn aitty.
«Profilaktikalyq egýge qarsy kórsetilimderi joq adamdarǵa vaktsinalanýǵa ruqsat etiledi. Vaktsinalaý aldynda dene temperatýrasyn ólsheý, epidemiologiialyq anamnez jinaý, júrek soǵý jiiligi men qan qysymyn ólsheý, tynys alý jáne júrek-qantamyr júiesiniń aýskýltatsiiasy men tamaqty tekserýmen mindetti meditsinalyq tekserý júrgiziledi. Eger temperatýra 37°C-tan assa, vaktsina keiinge qaldyrylady», - dedi spiker.
2021 jyldyń aqpanynan bastap emhanada birinshi komponentpen 17 755 adam, ekinshi komponentpen 13 939 adam egildi. Búgingi kúni №1 emhanada Gam-Kovid-Vak jáne Sinofarm vaktsinalary bar.
Sonymen qatar, ol vaktsinalardyń sapasy men olardyń qaýipsizdigine alańdaýdyń qajeti joq ekenin jetkizdi.
«Halyq arasynda antivakserler dep atalatyn kovidtik dissidentter halyqtyń 5%-ynan aspaidy. Alaida, olardyń shamadan tys belsendiligi men agressivti áreketteri el nazaryn ózine aýdaryp, jurtshylyqtyń boiynda jalǵan senim týdyrýda. Antivakserlerdiń sózine senýdiń qajeti joq», - dedi Azamat Zaiyrov.
Spikerdiń sózinshi, búginde álemde 99 millionnan astam adam zerthanalyq rastalǵan koronavirýs infektsiiasyn juqtyrǵan. Sońǵy ýaqytta álemde dert ýshyǵyp tur. Qaitys bolǵandar sany ósýde. Sondyqtan vaktsinalaný qajet.
«Árine, biz vaktsinalaýdan soń birden oń áserdi kútpeimiz. Vaktsinalaý eki kezeńde júrgiziledi. Bul immýnitetti nyǵaitý úshin qajet. Ujymdyq immýnitetti qalyptastyrý úshin ekpe saldyrǵandar sany arta túsýi tiis. Bizdiń mindet – eldegi epidemiologiialyq jaǵdaidy turaqtandyrý, ólimniń aldyn alý», - dedi dáriger.
