Elimizdiń densaýlyq saqtaý ministriniń orynbasary Ajar Ǵiniiat vaktsinaǵa senbeitin jáne ony salýǵa qarsy adamdarǵa (antivakserler) qatysty óz oiyn bólisti, dep habarlaidy QazAqparat agenttigi.
«Men vaktsinaǵa qarsy adamdardy infektsiialyq aýrýhanaǵa alyp barsam deimin. Esh jaýap bermei-aq, jaǵdaidy tikelei ózderine kórsetkim keledi. Ekpege qarsy bolyp ministrliktiń qabyldaýyna jazylǵan adamdarǵa aittym da, júrińizder, ózderińiz kýá bolasyzdar dep. Onda COVID-19 infektsiiasymen kúresip jatqan adamdar bir jutym aýaǵa zar. Indetti asqyndyryp alsań, saǵan eshqandai vaktsina, dári nemese apparat kómektespeidi», - dedi Ajar Ǵiniiat tanymal telejúrgizýshi Láilá Sultanqyzyna bergen suhbatynda.
Sondai-aq, vitse-ministr antivakserlerdi koronavirýspen kúresip jatqan aýrýhanalarǵa shaqyrǵanyn da aitty.
«Óz basym senbeýshilerdiń kózin jetkizý úshin shaqyrdym. Tipti keibir óńirde vaktsinaǵa qarsylyq tanytqandardy COVID-19 ortalyǵyna aparyp, jaǵdaimen tanystyrǵan densaýlyq saqtaý basqarmalary da bar. Basynda qarsy bolyp, keiin ózi koronavirýsqa shaldyqqan soń bastapqy oiynan bas tartqandar bar», - deidi ol.
