ەلٸمٸزدٸڭ دەنساۋلىق ساقتاۋ مينيسترٸنٸڭ ورىنباسارى اجار عينييات ۆاكتسيناعا سەنبەيتٸن جەنە ونى سالۋعا قارسى ادامدارعا (انتيۆاكسەرلەر) قاتىستى ٶز ويىن بٶلٸستٸ, دەپ حابارلايدى قازاقپارات اگەنتتٸگٸ.
«مەن ۆاكتسيناعا قارسى ادامداردى ينفەكتسييالىق اۋرۋحاناعا الىپ بارسام دەيمٸن. ەش جاۋاپ بەرمەي-اق, جاعدايدى تٸكەلەي ٶزدەرٸنە كٶرسەتكٸم كەلەدٸ. ەكپەگە قارسى بولىپ مينيسترلٸكتٸڭ قابىلداۋىنا جازىلعان ادامدارعا ايتتىم دا, جٷرٸڭٸزدەر, ٶزدەرٸڭٸز كۋە بولاسىزدار دەپ. وندا COVID-19 ينفەكتسيياسىمەن كٷرەسٸپ جاتقان ادامدار بٸر جۇتىم اۋاعا زار. ٸندەتتٸ اسقىندىرىپ الساڭ, ساعان ەشقانداي ۆاكتسينا, دەرٸ نەمەسە اپپارات كٶمەكتەسپەيدٸ», - دەدٸ اجار عينييات تانىمال تەلەجٷرگٸزۋشٸ لەيلە سۇلتانقىزىنا بەرگەن سۇحباتىندا.
سونداي-اق, ۆيتسە-مينيستر انتيۆاكسەرلەردٸ كوروناۆيرۋسپەن كٷرەسٸپ جاتقان اۋرۋحانالارعا شاقىرعانىن دا ايتتى.
«ٶز باسىم سەنبەۋشٸلەردٸڭ كٶزٸن جەتكٸزۋ ٷشٸن شاقىردىم. تٸپتٸ كەيبٸر ٶڭٸردە ۆاكتسيناعا قارسىلىق تانىتقانداردى COVID-19 ورتالىعىنا اپارىپ, جاعدايمەن تانىستىرعان دەنساۋلىق ساقتاۋ باسقارمالارى دا بار. باسىندا قارسى بولىپ, كەيٸن ٶزٸ كوروناۆيرۋسقا شالدىققان سوڭ باستاپقى ويىنان باس تارتقاندار بار», - دەيدٸ ول.
