Qazaqstan Respýblikasynyń Prezidenti Qasym-Jomart Toqaevtyń Qazaqstan halqyna arnaǵan Joldaýyna arqaý bolǵan baǵyttardyń biri – «Halyq únine qulaq asatyn memleket» tujyrymdamasy. Atalǵan tujyrymdamany iske asyrý boiynsha birqatar jumystar qolǵa alynǵan. Oǵan kóptegen mysaldar keltirýge bolady. Mysaly, QR Sybailas jemqorlyqqa qarsy is qimyl Agenttiginiń (Sybailas jemqorlyqqa qarsy qyzmet) Almaty oblysy boiynsha Departamentiniń bastamasymen júzege asyrylyp jatqan «AntikorLive» jobasyn atap ótýge bolady.
«Apta saiyn Facebook jelisi arqyly oblys turǵyndary úshin «AntikorLive» jobasy aiasynda Antikor ortalyǵynda memlekettik mekeme basshylary, sondai-aq oblysymyzdyń belgili azamattary men qoǵam qairatkerleriniń qatysýymen tikelei efir ótkiziledi. Biliktiń buqaraǵa barynsha jaqyn, ári ashyq bolýyn qamtamasyz etý «AntikorLive» jobasynyń negizgi maqsattarynyń biri. Jeli qoldanýshylary tikelei efirge qatysyp, qyzyqtyrǵan suraqtaryn spikerge qoia alady. Osylaisha halyq pen memlekettik mekeme ókilderiniń arasynda tikelei qarym-qatynas ornaidy», – deidi QR Sybailas jemqorlyqqa qarsy is-qimyl agenttiginiń Almaty oblysy boiynsha departamentiniń ókilderi.
Qazirgi tańda áleýmettik jeli memleket pen qoǵam arasyndaǵy bailanystyń tiimdi quraly ekenin eskersek, tikelei efirdiń mańyzdylyǵyn erekshe aityp ótken jón.
«Sybailas jemqorlyqqa qarsy qyzmet sybailas jemqorlyqqa qarsy saiasatty iske asyrý sheńberinde sybailas jemqorlyqqa qarsy is-qimyl máseleleri boiynsha azamattyq sektormen ózara is-qimyldyń jańa formattaryn qoldanady. Osyndai jańa formattyń biri – «AntikorLive» 2020 jyldyń naýryz aiynan bastap iske asyp kele jatqan joba. Joba sheńberinde tikelei efir rejiminde oblys turǵyndaryna sybailas jemqorlyqqa qarsy qyzmettiń jumysy týraly sońǵy jańalyqtar jetkiziledi jáne sybailas jemqorlyqqa qarsy jobalardy iske asyrý barysy týraly aitylady. Sonymen qatar, «AntikorLive» jobasyna oblystyń memlekettik organdarynyń ókilderi shaqyrylady, olar da óz qyzmetteri týraly áńgimeleidi jáne Almaty oblysynyń azamattaryn tolǵandyratyn suraqtarǵa jaýap beredi», – degen bolatyn Sybailas jemqorlyqqa qarsy qyzmettiń Almaty oblysy boiynsha departamentiniń basshysy Ernar Maqajanov.
Jobanyń negizgi maqsaty – tikelei efirler arqyly azamattar men memlekettik organdar arasynda dialog alańyn qurý, sondai-aq memlekettik organdar qyzmetiniń ashyqtyǵy men qoljetimdiligin qamtamasyz etý.
Turǵyndar úshin taǵy da bir eske sala ketsek, tikelei efir apta saiyn QR Sybailas jemqorlyqqa qarsy is qimyl Agenttiginiń (Sybailas jemqorlyqqa qarsy qyzmet) Almaty oblysy boiynsha Departamentiniń Facebook @anticorruption.almatyoblysy paraqshasynda ótedi.
