Sýret: Medal.kz
Áleýmettik jelilerdi monitoringileý barysynda qazaqstandyq aralas jekpe-jek sportshysy A. Áshimovtiń jalǵan sportshylarǵa «QR eńbek sińirgen jattyqtyrýshysy» jáne «QR halyqaralyq dárejedegi sport sheberi» sporttyq ataqtaryn negizsiz berý týraly videolardy tekserdi, dep habarlaidy "Ult aqparat" Antikordyń baspasóz qyzmetine silteme jasap.
Sybailas jemqorlyqqa qarsy qyzmet atalǵan jariialanymǵa ýaqytyly den qoiyp, sotqa deiingi tergeýdi tirkedi.
Agenttiktiń usynysy boiynsha jalǵan sportshylar sporttyq ataqtarynan aiyryldy.
Jemqorlyq táýekelderin syrtqy taldaý qorytyndysy boiynsha Agenttik Týrizm jáne sport ministrliginiń atyna jemqorlyq táýekelderin joiý boiynsha usynystar engizdi.
"Sportty teris paidalanǵany úshin jaýapkershilik týraly halyqaralyq standarttardy ratifikatsiialaý, joǵary jetistikter sportyn qarjylandyrýdy ortalyqtandyrý, qarjylandyrý nátijelerin baǵalaýǵa múmkindik beretin sport, infraqurylym, sporttyq is-sharalar men jetistikter salasynda ainalysatyn adamdar boiynsha tolyq derekterdi qamtityn E-sport Ulttyq tsifrlyq platformasyn engizý usynyldy.
Bul sportshylar, infraqurylym, jarystar men jetistikter týraly biryńǵai derekter qoimasyn qurýdy kózdeidi jáne sport salasyndaǵy jemqorlyq táýekelderin boldyrmaýǵa múmkindik beredi", - delingen habarlamada.
Tergeý jalǵasýda.
Qylmystyq-protsestik kodeksiniń 201-babyna sáikes ózge aqparat jariia etýge jatpaidy.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
