Sybailas jemqorlyqqa qarsy is-qimyl agenttigi «ÓKM Operatory» JShS burynǵy Basqarýshy direktoryn ustady, dep habarlaidy "Ult aqparat".
"Ol "Jasyl Damý" AQ ("ÓKM Operatory" JShS quqyqtyq mirasqory) atynan memleketke asa iri mólsherde zalal keltire otyryp, isten shyqqan kólik quraldaryn kádege jaratýdyń joǵary qunyn belgileý arqyly "RecyclingCompany" JShS-ne zańsyz túrde qaita tirkep, 13 milliard teńgeden astam somada senip tapsyrylǵan aqsha qarajatyn jymqyrdy degen kúdikke ilindi", - delingen agenttiktiń baspasóz qyzmeti taratqan habarlamada.
Qylmystyq áreketter 2016-2019 jyldar aralyǵynda "ÓKM Operatory" JShS basqa qyzmetkerlerimen birlesip jasaldy.
Sot sanktsiiasymen kúdikti qamaýǵa alyndy. Onyń is-áreketterine qorytyndy quqyqtyq baǵany sot beredi.
Qylmystyq protsestik kodeksiniń 201-babyna (Sotqa deiingi tergep-tekserý derekterin jariia etýge jol bermeý) sáikes basqa málimetter jariia etilmeidi.
