Antikor memlekettik kásiporyn ǵimaratyn tómendetilgen baǵamen ielikten shyǵarý deregin tekserip jatyr, - dep habarlaidy "Ult aqparat" Sybailas jemqorlyqqa qarsy agenttik baspasóz qyzmetine silteme jasap.
"Nur-Sultan qalasy boiynsha Sybailas jemqorlyqqa qarsy qyzmet QR Mádeniet jáne sport ministrliginiń laýazymdy tulǵalaryna qatysty Almaty qalasyndaǵy "Sý jáne qoldanbaly sport túrleri boiynsha Respýblikalyq joǵary sport sheberligi mektebi" RMQK-nyń vedomstvolyq baǵynysty ǵimaratyn memleket múddesine aýyr zardaptarǵa ákep soqqan úlestes zańdy tulǵanyń paidasyna tómendetilgen baǵamen ielikten shyǵarý faktisi boiynsha sotqa deiingi tergep-tekserý júrgizip jatyr", - delingen habarlamada.
Ózge aqparat tergeý múddesinde jariia etýge jatpaidy.
Buǵan deiin habarlanǵandai, Qazaqstannyń tórt joǵary oqý orny - Abylai han atyndaǵy Qazaq halyqaralyq qatynastar jáne álem tilderi ýniversiteti, Baiqońyrov atyndaǵy Jezqazǵan ýniversiteti, Qazaq bas sáýlet-qurylys akademiiasy, Almaty energetika jáne bailanys ýniversiteti saýda-sattyqqa shyǵarylǵan. JOO-daǵy qatysý úlesterin satý týraly sheshimdi Qarjy ministrligi shyǵarǵan.
