Áleýmettik jelilerde jýrnalist ári bloger Mahambet Ábjannyń otbasy músheleriniń bank shottaryna shekteý qoiylǵany týraly aqparat tarady. Sybailas jemqorlyqqa qarsy qyzmet bul derektiń jalǵan ekenin málimdedi, dep habarlaidy "Ult aqparat".
"Kúdikti M. Abjannyń otbasy músheleriniń, onyń ishinde onyń kámeletke tolmaǵan balalarynyń banktik shottarynda oryn alǵan «shekteýler» týraly aqparattyń Telegram-arnalardyń birinde taratylýyna bailanysty, bul aqparattyń shyndyqqa sáikes kelmeitinin habarlaimyz.
Tergeý aiasynda kúdiktiniń óziniń ǵana banktik shottaryna shekteýler qoiyldy.
Jalǵan aqparat qoǵamdyq pikirdi basqarý jáne tergeýge áser etý maqsatynda taratylady. Azamattardan resmi aqparat kózderinen alynǵan aqparatqa senýdi suraimyz" - delingen vedomstvo málimdemesinde.
Eske salaiyq, 3 shildede Mahambet Abjan kásipkerden 50 million teńge bopsalady degen kúdikpen qamaýǵa alynǵan.
