QR Sybailas jemqorlyqqa qarsy is-qimyl agenttigi qyzmetkeriniń atyn jamylǵan alaiaq el azamattaryn 80 mln teńgege taqyrǵa otyrǵyzdy. Bul týraly QR Sybailas jemqorlyqqa qarsy is-qimyl agenttigi 1-shi departamentiniń aǵa tergeýshisi Qaisar Barjaqsynov aitty, dep habarlaidy "Ult aqparat".
«Sybailas jemqorlyqqa qarsy qyzmet 2019 jyldan bastap 2020 jylǵa deiingi aralyqta Sybailas jemqorlyqqa qarsy agenttiktiń qyzmetkeri retinde tanysyp, respýblika aýmaǵynda birqatar alaiaqtyq áreket jasaǵan azamat A. atty azamatqa qatysty sotqa deiingi tergeýdi bastady. Ol memlekettik basqarý salasyndaǵy máselelerdi oń sheshý úshin azamattardy aldap, 80 mln teńge somasynda aqsha aldy degen kúdikke ilindi», - dedi Qaisar Barjaqsynov agenttiktiń baspasóz qyzmeti alańynda ótken brifing barysynda.
Onyń aitýynsha, QR Qylmystyq is júrgizý kodeksiniń 201-babyna sáikes tergeý múddesi úshin ózge aqparat jariialanbaidy.
