Antikor kásipkerden aqsha talap etken qylmystyq top múshesin ustady, - dep habarlaidy "Ult aqparat" Sybailas jemqorlyqqa qarsy qyzmet agenttigine silteme jasap.
"Sybailas jemqorlyqqa qarsy qyzmet kásipkerden Memlekettik satyp alý týraly konkýrsta jeńimpaz dep tanyǵany úshin elorda kvazimemlekettik sektory sýbektileriniń biriniń basshylyǵyna para retinde arnalǵan aqsha qarajatyn talap etken kriminaldyq toptyń ókilin áshkereleý boiynsha arnaiy operatsiia júrgizdi.
Atalǵan adam 25 maýsymda 15 milion teńge alǵan kezde ustalyp, tergeý sotynyń sanktsiiasymen qamaýǵa alyndy.
Ustalǵandardyń turatyn jáne baratyn jerlerinen tirkelmegen jaýyngerlik atys qarýy – «TT» jáne «Smith&Wesson» markaly tapanshalary men olardyń patrondary, sondai-aq qoldan jasalǵan jarylǵysh qurylǵynyń mýliajy, kastet, pyshaqtar jáne sýyq qarýdyń basqa da túrleri tabylyp, tárkilendi" - delingen habarlamada.
Vedomstvo málimetinshe, qorytyndy sheshim sotta anyqtalady.
Ózge aqparat tergeý múddesinde jariia etýge jatpaidy.
