Sybailas jemqorlyqqa qarsy qyzmet Gúlmira Satybaldyǵa qatysty tergeý barysy týraly aitty, - dep habarlaidy "Ult aqparat".
"Sybailas jemqorlyqqa qarsy qyzmet Gúlmira Satybaldyǵa, onyń baqylaýyndaǵy "Ariia-Jańa Astana" JShS kompaniiasynyń basshylyǵyna jáne memlekettik organdardyń laýazymdy tulǵalaryna qatysty nysandardy salýǵa bólingen biýdjet qarajatyn jymqyrý deregi boiynsha tergeýdi jalǵastyryp jatyr.
Birneshe nysan boiynsha is júzinde oryndalmaǵan qurylys-montajdaý jumystaryna aqy tóleý nátijesinde memleketke jalpy somasy 3,9 milliard teńgege asa iri mólsherde zalal keltirildi. Tergeý satysynda qabyldanǵan sharalar boiynsha, memleketke keltirilgen zalal tolyq óteldi", - delingen habarlamada.
Vedomstvo málimetinshe, Gúlmira Satybaldy men onyń senimdi tulǵalaryna qatysty birqatar kásiporynnyń qatysý úlesteri men aktivterin zańsyz ielený, adamdy urlaý jáne bas bostandyǵynan zańsyz aiyrý derekteri boiynsha tergeý júrgizilip jatyr.
Jábirlenýshilerge keltirilgen zalaldyń aldyn ala somasy 6,6 milliard teńgeden asady. Kúdikti adamdar kúzetpen ustalǵan. Tergeý jalǵasyp jatyr.
