Foto: dep-admin.miid.gov.kz
Antikor eks-vitse-ministrge qatysty tergeýdi aiaqtady, dep habarlaidy "Ult aqparat" vedomstvonyń baspasóz qyzmetine silteme jasap.
"Sybailas jemqorlyqqa qarsy qyzmet burynǵy Indýstriia jáne infraqurylymdyq damý vitse-ministri T. Toqtabaevqa qatysty laýazymdyq ókilettikterin asyra paidalaný faktisi boiynsha sotqa deiingi tergeýdi aiaqtady.
Ol Qostanai oblysyndaǵy qatty paidaly qazbalardyń (nikel jáne kobalt) iri qorlary anyqtalǵan «Shevchenkovskoe» ken ornyn barlaý syltaýymen affiliirlengen tulǵalarǵa aýktsionsyz zańsyz bergen dep aiyptalyp otyr.
Nátijesinde, onyń baqylaýyndaǵy kompaniia qol qoiý bonýsynyń eń tómengi qunymen óndirýge daiyn ken ornyn alǵan" - delingen habarlamada.
Óziniń álemdik qorlary boiynsha biregei nikel jáne kobalt túrindegi qatty paidaly qazbalar 100 mln. tonna 5,7 trln teńge somasyna baǵalanady.
"Tergeý barysynda qabyldanǵan sharalarmen atalǵan ken orny memleket paidasyna qaitaryldy.
Qazaqstan Respýblikasynyń Bas prokýratýrasy aiyptalýshy T. Toqtabaevty sotqa berdi.
Qylmystyq-protsestik kodeksiniń 201-babyna sáikes ózge aqparat jariia etýge jatpaidy. Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi" - delingen Antikor habarlamasynda.
