Memleket basshysy Sybailas jemqorlyqqa qarsy is-qimyl agenttiginiń tóraǵasy Oljas Bektenovti qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaevqa eldegi sybailas jemqorlyqqa qarsy is-qimyl boiynsha qabyldanyp jatqan sharalar baiandaldy. Atap aitqanda biylǵy 7 aida 1400-den astam sybailas jemqorlyq qylmysy tirkelip, jemqorlyq faktisimen 900-ge jýyq tulǵa áshkerelendi.
Prezidentke sybailas jemqorlyq qylmystaryna jol bermeý jónindegi profilaktikalyq jáne aldyn alý sharalary týraly málimet berildi.
Oljas Bektenovtiń aitýynsha, atalǵan sharalar aiasynda kóliktik baqylaý, Áleýmettik kásipkerlik korporatsiialary, sondai-aq Indýstriia jáne infraqurylymdyq damý ministrliginiń Memlekettik qorǵanystyq tapsyrys komiteti salalaryndaǵy syrtqy taldaýdyń aiaqtalǵanyn habarlady. Sybailas jemqorlyq qaýipteri memlekettik qorǵanys tapsyrysyn qalyptastyrýdyń ónim kólemin josparlaýdan bastap shart mindettemelerin oryndaýǵa deiingi barlyq satysynda kezdesedi.
Prezidenttiń tapsyrmasyna sáikes agenttik Sybailas jemqorlyqqa qarsy qyzmet bólimsheleriniń jumysyn baǵalaý tásilderin qaita qarady. Statistikalyq kórsetkishter úshin ǵana jasalatyn áreketter alynyp tastaldy.
Vedomstvonyń qyzmetinde baǵdar retinde sybailas jemqorlyq qaýipteriniń kartasy aiqyndalyp, oǵan protsesterdiń ashyq bolmaýyna, ákimshilik kedergilerge jáne jergilikti jerlerdegi memlekettik qyzmetshilerdiń óz mindetterin tiisti deńgeide oryndamaýyna bailanysty halyq pen biznesti tolǵandyratyn kókeikesti máseleler engizildi.
Kezdesý sońynda Memleket basshysy Sybailas jemqorlyqqa qarsy qyzmettiń jumysyn kúsheitý jóninde birqatar mindet júktedi.
