Foto: Antikor
Antikor 2023 jyldan beri izdeýde júrgen azamatty ustady, -dep habarlaidy "Ult Aqparat" QR Sybailas jemqorlyqqa qarsy is-qimyl agenttigine silteme jasap.
Sybailas jemqorlyqqa qarsy qyzmetpen 2023 jyldan beri izdeýde júrgen «Ý» azamaty ustalyp, Almaty qalasy PD ÝUI qamaýǵa alyndy.
Ol buryn sot úkimimen tárkilengen úsh úi men eki páter túrindegi memlekettik múlikti jymqyrdy dep kúdiktelýde.
Alaiaqtyq Almaty qalasy boiynsha ákimdik pen UQKD laýazymdy adamdarynyń qatysýymen baqylaýdaǵy adamdarǵa jalǵan tómen baǵamen jáne belgilengen saýda-sattyqsyz jyljymaityn múlikti satý jolymen jasalǵan.
Aǵymdaǵy jyldyń 14 maýsymynda Bishkek qalasynda «Ý» azamaty ustalǵannan keiin ol Qyrǵyz Respýblikasy IIM qyzmetkerlerine jeńildetilgen rásimder boiynsha óz erkimen Otanyna oralýǵa daiyndyǵy týraly habarlady.
Sol kúni Almaty qalasy prokýratýrasynyń úilestirýimen Sybailas jemqorlyqqa qarsy qyzmet qyzmetkerleriniń súiemeldeýimen «Ý» azamaty Qyrǵyz Respýblikasynyń shekarasynan ótip, Almaty qalasyna jetkizildi.
Qazirgi ýaqytta kúdiktiniń qatysýymen tergeý áreketteri júrgizilýde.
Qylmystyq-protsestik kodekstiń 201-babyna sáikes ózge aqparat jariia etýge jatpaidy.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
