BUU Antarktidada 18,3°S jańa temperatýralyq rekordty tirkedi, dep habarlaidy "Ult aqparat" BUU-nyń Dúniejúzilik meteorologiialyq uiymyna (BMU) silteme jasap.
Buǵan deiin rekordtyq temperatýra 2020 jyldyń 6 aqpanynda Antarktikalyq túbeginde Esperanza argentinalyq zertteý stantsiiasynda tirkelgen edi. Al munyń aldynda antarktikalyq kontinettegi rekord +17,5°S bolǵan. Ol da Esperanza stantsiiasynda anyqtaldy, biraq 2015 jyly.
«Maksimaldy temperatýrany tekserip otyrý mańyzdy, bul Jerdiń eń sońǵy shekaralarynyń birindegi aýa raiy men klimatty baqylap otyrýǵa múmkindik beredi», - dedi BMU-nyń bas hatshysy Petteri Taalas.
Onyń aitýynsha, antarktikalyq túbek – ǵalamshardyń eń tez jylyp kele jatqan óńiri. Sońǵy 50 jylda 3°C jylyǵan.
