Sýret Denge gazetiniń áleýmettik jelidegi paraqshasynan
Qazaqstandyq jýrnalist Arailym Baǵytjan Túrkiianyń Antalia qalasynda jol apatynan qaza tapty. Bul týraly Atyraý oblysynyń ákiminiń orynbasary Jasulan Bisembiev Facebook jelisinde habarlady.
"Antaliadan sýyq habar kelip jatyr...
Belgili jýrnalist, "Zeiin Atyraý" erekshe balalardy ońaltý ortalyǵynyń negizin qalaǵan Arailym Baǵytjan Antaliadaǵy iri jol apatyna túsip, ómirden ótti. Áriptesimizben birge kishkentai sábii de o dúnielik boldy. Joldasy qiyn jaǵdaida aýrýhanada jatyr.
Qazirgi ýaqytta Túrkiiadaǵy Qazaqstan elshiligimen arada kelisimder júrgizilip, aýrýhanada qiyn jaǵdaida jatqan baýyrymyzdyń tiisti em alýyna jaǵdai jasalýda. Jerlesterimizdiń súiegin elge aldyrý boiynsha jumys júrgizilip jatyr. Marqumnyń otbasyna qaiǵyryp kóńil aitamyn" - dep jazdy ol.
Aita keteiik, Antaliadaǵy iri jol-kólik oqiǵasynan úsh adam kóz jumyp, 17 adam jaraqat aldy. Onyń altaýy - Túrkiia, jeteýi - Izrail, ekeýi - Resei, ekeýi - Qazaqstan azamattary.
