Ánshi Sadraddin jalǵyzbasty kópbalaly anany qýantyp, otbasyna jańa páterdiń kiltin tabystady, dep habarlaidy ult.kz.
Ánshi Instagram jelisindegi paraqshasynda video jariialap, kópbalaly anany qalai qýantqanyn kórsetti.
"5 jasar bala kúngi Sadraddinniń armany oryndaldy", - delingen video sipattamasynda.
Onyń aitýynsha, anasy ekeýi páterden páterge kóship júrgen kezde osy kúnderdi armandaǵan.
"Qazir shúkir, qudai sondai múmkindik berip turǵan kezde biz de bir otbasyn qýantyp, armanyn oryndaiyq dep sheshtik. Sebebi "óz baspanamyz bolsa" degen – meniń bala kúngi armanym edi. Qazir páter jaldap turý kópbalaly jalǵyzbasty anaǵa – úlken problema. Sol kúnde kelip jetti. Allanyń qalaýymen bir kisige páter syilaimyz" - deidi Sadraddin.
Páter bes balaly jalǵyzbasty anaǵa buiyrdy. Áieldiń densaýlyǵy syr bergendikten, jumysqa jaramsyz dep tanylǵan.
Ánshi kópbalaly anany "mektepke kiim alyp beremiz" dep shaqyrǵanyn aitady. Páter kiltin alamyz dep kútpegen otbasy músheleri túgel kózine jas alyp, ánshige rizashylyǵyn bildirdi.
