Jelide tanymal bolyp ketken Gúlmaidan Serikbai (Dana) jańa jyldyq shoýdyń túsirilimine qatysty, dep habarlaidy Sputnik Qazaqstan.
"Halyq súiiktisi atanǵan kúnim. Sizderdei júregi meiirimge toly qoldaýshylarymnyń sebepkerligimen osyndai úlken sahnaǵa shyǵyp, án aityp, "halyq" ánshisi atandym. Eshqashan osyndai úlken televiziialyq sahnada án aitamyn dep oilamappyn. Osy ádemi televiziialyq keshke arnaiy qonaq etip shaqyrǵan barsha janǵa alǵysymdy bildiremin", - dep jazdy ánshi Instagram paraqshasynda.
"Ókinishke qarai, keshegi kúnge deiin ánshilerdiń kigen kiimine, shashyna, bet árleýine kóp nazar aýdaratynmyn... Biraq dál búginnen bastap ánshiniń, ártistiń, akterdiń túrine emes, talantyna mán beretin boldym", - deidi Dana.
"Armandar oryndalatynyna tolyqtai kózim jetti, Allahym maǵan bergen baǵyń men ónerimniń áli de talai tanylyp, biik álemdik sahnalyq belesterge jetýime násip etshi", - dep túiindedi ánshi.
Prodiýser Jan Muqanovtyń aitýynsha, jańa jyldyq shoýdyń tolyq nusqasy 31 jeltoqsanda 31 arnadan kórsetiledi.
Aita keteri, bir kúnde tanymal bolyp ketken sylaqshy-ánshi Gúlmaidan Serikbai (Dana) Asia's Got Talent halyqaralyq baiqaýyna qatysady. Uiymdastyrýshylar Gúlmaidanǵa ózderi habarlasyp, onyń kastingten ótkenin habarlaǵan.
