Tanymal estrada jáne opera ánshisi Tolqyn Zabirova koronavirýs infektsiiasyn ekinshi ret juqtyryp aldy.
Bul týraly ánshi óziniń Instagram-daǵy paraqshasynda jazdy.
«Ekinshi ret aýyryp qalý múmkin emes, dep júrip... Antitelanyń arqasynda jeńilirek ótip jatyr. Tek mamama aýyr bolyp tur. Jasy 74-te. Alla shipasyn bersin mamama», - dep jazdy ánshi.
Sonymen qatar, ol ýaqytynda vaktsina alǵan durys ekenin atap ótti.
«Der kezinde privivka alǵan dúrys eken. Bir-aq osyndai jasta úlkenderge saldyrýǵa bolar ma eken?! Bárimiz aman bolaiyq, aýyryp jatqandarǵa Alla kúsh-qýat berip, myna indetten qutylyp, mereke kúnderde bas qosaiyq, dostar», - dedi Tolqyn Zabirova.
