Ánshi Marat Omarov toi ótkizgen shymkenttik meiramhanaǵa qatysty tekserý sharalary bastaldy. Bul týraly qalalyq Politsiia departamentiniń baspasóz qyzmeti málimet taratty, dep habarlaidy "Ult aqparat".
Politsiianyń málimetinshe, meiramhana qojaiynyna aiyppul salý máseleleri qaralýda.
«Atalǵan jait boiynsha 12.04.2021 jyly Shymkent qalasy Táýke han dańǵyly boiyndaǵy Ken baba saiabaǵynda ornalasqan «KARAVAN« kafesiniń iesinen túsinikteme alynyp, Ál-Farabi aýdany boiynsha sanitarlyq-epidemiologiialyq baqylaý basqarmasyna is-qujattar joldandy» delingen habarlamada.
Aita keteiik, buǵan deiin áleýmettik jelilerde ánshi Marat Omarovtyń shymkenttik dámhanalardyń birinde otbasylyq toi ótkizgeni týraly aqparat taraǵan bolatyn. Tanymal kompozitordyń qyzy Zúlfiia Omarovanyń uzatylý toiynyń kórinisterin qonaqtary videoǵa túsirip, jelige júktep jibergen. Juldyzdy áýlettiń qýanyshynda Sabina Altynbekova men Qairat Túntekov bolǵany aitylýda.
