Otandyq ánshi Ámire ózine "Golos" jobasynyń paidasy tigenin aitty. "Túngi stýdiia" baǵdarlamasyna kelgen óner iesi atalmysh jobadan keiin tanymaldyǵy artyp, bir keshten tapqan aqshasyna Astanadan páter satyp alǵanyn aitty, dep jazady KAZ.NUR.KZ.
Ánshi qatysqan "Golos" shoýynyń grand-finaly byltyrǵy jyldyń 30 jeltoqsanynda Máskeýde ótti. Tikelei efirde túsiriletindikten, Ámire jańa jyldyq birneshe tapsyrystardan bas tartady.
"Úsh kún qaldy, qarbalas daiyndalyp jatyrmyn. Qazaqstandaǵy barlyq is-sharalarymnan bas tarttym. Sonda kókeiimde "aqsha tabatyn edim ǵoi" degen ókinish turdy. 30-y kúni finalǵa qatyssam, 31-i kúni jańa jyldy otbasymmen qarsy alamyn dep oiladym", - deidi ol.
Al jańa jylǵa eki kún qalǵanda áldebireýler habarlasyp, ony iri merekelik keshke shaqyrǵan.
"31-i kúni jańa jyldyq korporativ bolady" dedi. "Jaqsy, jumys isteimin" dep kelistim. Negizi sol "Golostyń" arqasynda úlken joba tústi. 31-kúni charterlik reis arqyly meni alyp ketti. Qai qalaǵa ekenin aitpai-aq qoiaiyn. Árkim óziniń atyna jumys isteýi kerek jáne ol mindetti túrde ózin aqtaidy degim keledi. Qysqasy, on kúndik jiberip alǵan keshterdiń aqysyn bir kúnde taýyp aldym. Sol aqshaǵa Astanadan páter aldym", - dedi aǵynan jarylǵan Ámire.
Alaida ánshi atalmysh iri jobaǵa kimderden shaqyrtý alǵanyn jáne korporotivtiń qai qalada bolǵanyn ashyp aitpady.
