Biyl 1105 EKO-ǵa 943 mln teńge qarastyrǵan. Bul týraly QR Densaýlyq saqtaý ministrliginiń resmi ókili Baǵdat Qojahmetov málim etti, dep habarlaidy QazAqparat.
«Respýblikalyq elektrondyq densaýlyq saqtaý ortalyǵynyń málimetin boiynsha elimizde 9 myń 467 áiel bedeýlik diagnozymen esepte tur. Kelesi jyly iske qosylatyn «Ańsaǵan sábi» baǵdarlamasyna jasandy jolmen uryqtandyrý arqyly bala súiýge úmitti kez kelgen juptar qatysa alady», - dedi resmi ókil Ortalyq kommýnikatsiialar qyzmetinde.
Onyń sózine qaraǵanda, osy baǵdarlama aiasynda patsient jylyna bir ret EKO jasai alady.
«Áleýmettik meditsinalyq saqtandyrý qory biyl 1105 EKO-ǵa 943 mln 800 myń teńge qarastyrǵan. Prezidenttiń joldaýyna sáikes, EKO kvotany 7 myńǵa jetkizý kerek, iaǵni 7 ese kóbeitý qajet. 943 mln-dy 7 esege kóbeitsek, tiisti soma shyǵady», - dedi B. Qojahmetov.
Budan buryn habarlanǵandai, elimizde EKO kómegimen 22 myńnan astam sábi dúniege keldi.
Aita keteiik, jaqynda Qazaqstan halqyna Joldaýyn jariia etken QR Prezidenti Qasym-Jomart Toqaev 2021 jyldan elimizde «Ańsaǵan sábi» arnaýly baǵdarlamasy iske qosylatynyn aitty.
Osy oraida «EKO» baǵdarlamasymen kvotany 7 myńǵa deiin, iaǵni, 7 ese kóbeitý qajet.
