Megapoliste jyl basynan beri1 173 áielge saqtandyrý esebinen EKO jasaldy. Bul týraly onlain brifing barysynda Almaty qalasynyń áleýmettik meditsinalyq saqtandyrý qorynyń direktory Tileýhan Ábildaev málim etti, dep habarlaidy "Ult aqparat".
Onyń aitýynasha, Meditsinalyq saqtandyrý Almaty qalasy densaýlyq saqtaý salasynyń biýdjetin edáýir arttyrýǵa múmkindik bergen.
«Birinshi jartyjyldyqtyń qorytyndysy boiynsha Áleýmettik meditsinalyq saqtandyrý qory MÁMS paketinde Almaty qalasynda meditsinalyq kómekke aqy tóleýge shamamen 53,6 mlrd teńge bóldi. Shyǵyndardyń kóp bóligi statsionarlyq meditsinalyq kómekke tólendi, bul 27,9 mlrd teńgeden asady», - dedi Tileýhan Ábildaev.
Ótken jylmen salystyrǵanda joǵary tehnologiialyq operatsiialardy qarjylandyrý 2,1 mlrd teńgege artty. Eger 2020 jyly 11,8 mlrd teńge bólinse, biyl bul soma 13,9 mlrd teńgege jetti. Biylǵy jyldyń 6 aiynda halyqqa joǵary tehnologiialyq qyzmet kórsetýge 8,2 mlrd astam teńge bólindi.
«Qoljetimdiligi artqan qyzmettiń biri ekstrokorporaldy uryqtandyrý, iaǵni EKO protsedýrasy. 2020 jyly barlyǵy 643 monepýliatsiia jasalyp, oǵan 563 mln teńge bólingen. Al biyl EKO baǵdarlamasyna 3,1 mlrd teńge qarastyrylǵan. Atalǵan somaǵa 3245 jasandy uryqtandyrý protsedýrasy jasalýy tiis. Iaǵni qyzmet kólemi 5 ese artyp otyr. Biyl bastapqy alty aida 1 173 EKO protsedýrasy jasalyp, oǵan 1,1 mlrd teńge jumasaldy», - dedi spiker.
Sondai-aq 2020 jyly joǵary tehnologiianyń kómegimen 184 kordohirýrgiialyq operatsiia jasaldy. Al, 2021 jyldyń birinshi jartysynda osyndai 837 ota jasalyp, oǵan 3,2 mlrd teńge jumsaldy.
«Mindetti áleýmettik meditsinalyq saqtandyrý júiesin engizý meditsinalyq ońaltýdy qarjylandyrýdy ulǵaitýǵa jáne onyń qoljetimdiligin aitarlyqtai arttyrýǵa múmkindik berdi. Biyl ońaltý qyzmetine 7,7 mlrd teńge bólindi, bul ótken jylmen salystyrǵanda eki ese kóp», - dedi Tileýhan Ábildaev.
