Qazaqstan Elshisi Abzal Saparbekuly jáne Túrki keńesiniń Bas hatshysy Baǵdat Ámireev Túrkiia Respýblikasynyń Vitse-Prezidenti Fýat Oktaimen kezdesti, dep habarlaidy QR SIM baspasóz qyzmeti.
Kezdesýde túrkitildes memleketterdiń yntymaqtastyǵy jan jaqty talqylandy. Atap aitqanda Túrki keńesiniń túrkitildes elderdiń integratsiiasyndaǵy airyqsha róline toqtaldy.
Sondai-aq, aldymyzdaǵy ýaqytta túbi bir túrki jurtynyń rýhani besigi - Túrkistanda ótkizilýi josparlanǵan Túrki keńesiniń beiresmi sammiti egjei-tegjeili talqyǵa salyndy.
Budan bólek, Qazaqstan men Túrkiia arasyndaǵy ekijaqty yntymaqtastyqtyń strategiialyq mańyzdylyǵy atalyp, kún tártibindegi ózekti máseleler boiynsha pikir almasyldy. Ásirese, saiasi, saýda-ekonomikalyq, investitsiialyq jáne taǵy basqa salalardaǵy yqpaldastyqtyń tiimdi tetikteri talqylanyp, osy baǵyttaǵy jumystardy baýyrlas halyqtardyń igiligi úshin budan ári jalǵastyrý kelisildi.
Sonymen qatar, Qazaqstan Premer-Ministri Asqar Mamin men Túrkiia Vitse-Prezidenti Fýat Oktaidyń teń tóraǵalyǵyndaǵy Úkimetaralyq ekonomikalyq komissiianyń is-sharalary josparynyń oryndalý barysy jáne aldaǵy ýaqytta onlain formatta ótetin basqosýdyń kún tártibi tilge tiek boldy.
