Angliiada koronavirýstyń ońtústik afrikalyq shtammynyń taralýyn anyqtaý maqsatynda «Esikten esikke» ádisi boiynsha halyqty jappai jedel testileý bastalady, dep habarlaidy "Ult aqparat".
Koronavirýstyń taralýyna jol bermeý jónindegi Qazaqstan Úkimeti janyndaǵy vedomstvoaralyq komissiia aqparatyna sáikes, ǵalymdar ótken jyldyń qazan aiynda Ońtústik Afrikada alǵash ret anyqtalǵan koronavirýstyń jańa shtammynyń vaktsinalarǵa sezimtaldyǵy az ekendigin aityp, alańdaýshylyq bildirýde. Sondai-aq ol «qalypty» Covid-19-ben aýyrǵan adamdarǵa qaita juǵýy múmkindigi aitylýda.
Londondyq Times basylymy óz derekkózderine silteme jasai otyryp, Japoniia úkimeti Olimpiada ótkizýden bas tartý sheshimine jaqyn ekendigin jazǵan. Biraq qorytyndy uiǵarym koronavirýsqa qatysty álemdegi jaǵdaidyń damýyna bailanysty naýryz aiynyń sońynda qabyldanbaq. Olimpiada kórermensiz ótýi de múmkin. Qazir Olimpiada 23 shilde - 8 tamyz aralyǵyna josparlanǵan jáne «Tokio-2020» resmi ataýy da saqtalǵan.
Al Izraildiń Densaýlyq saqtaý ministrliginiń jariialanǵan málimetterine sáikes, vaktsinanyń ekinshi dozasyn alǵan eldiń 715 425 turǵynynyń 317-si nemese 0,04% koronavirýs juqtyrǵan. Olardyń tek 16-sy aýrýhanaǵa jatqyzýdy qajet etken. Ótken jyly júrgizilgen synaqtardan keiin Pfizer kontserni óz preparattarynyń 92% qorǵaýdy qamtamasyz etetindigin aitqan bolatyn.
