Foto: Shutterstock
Ulybritaniianyń bilim ministri Djillian Kigan Angliia mektepterinde uialy telefon ustaýǵa tyiym salýǵa keńes berdi, dep habarlaidy QazAqparat.
«Bul sharalar destrýktivti minez-qulyq jáne onlain býllingpen kúresýge yqpal etedi, sonymen qatar oqýshylardyń zeiinin arttyrýǵa múmkindik beredi» delingen Ulybritaniianyń bilim ministrligi taratqan málimdemede.
Uialy telefondy kúni boiǵy oqý barysynda, tipti úzilis kezinde de paidalanýǵa tyiym salý usynylyp otyr.
Eger mektep bul talapty oryndamasa, úkimet bolashaqta mindetteletin zańnamalyq aktini qabyldaý jaǵyn qarastyrady.
Britan bilim vedomstvosy buǵan deiin Frantsiia, Italiia jáne Portýgaliia mektepterinde uialy telefon paidalanýǵa tyiym salynǵanyn, al BUU mektepte smartfon paidalanýdyń qaýpi týraly eskertkenin atap ótti.
Britan úkimetiniń málimeti boiynsha, Angliiadaǵy mektep oqýshylarynyń shamamen úshten biri (29%) sabaq barysynda uialy telefon paidalanady.
