Ulybritaniia biligi Rojdestvo merekesi kezeńinde shekteý sharalaryn jeńildetýge arnalǵan josparynan tolyqtai bas tartty, dep habarlaidy "Ult aqparat".
Vedomstvoaralyq komissiianyń baspasóz qyzmetiniń málimetinshe, oǵan sebep — memleket ishinde koronavirýstyń jańa shtamynyń taralýy. London, Ýels, Shotlandiia jáne Angliianyń ońtústik-shyǵys aimaqtarynda 20 jeltoqsan kúni saǵat 00.00-den bastap 30 jeltoqsanǵa deiin eń joǵary - tórtinshi deńgeidegi karantin engizildi.
Elde barlyq dúkender (birinshi kezektegi taýarlardy satanyn dúkenderdi qospaǵanda), sulýlyq salondary men sport klýbtary jabylýda.
Eldiń premer-ministri Boris Djonsonnyń aitýynsha, VUI-202012/01 dep atalǵan COVID-19-dyń jańa mýtatsiiasynyń taralý qarqyny óte joǵary. Búgingi kúni Londondaǵy COVID-19 juqtyrǵandardyń 60%-dan astamynda osy erekshe shtamm anyqtalǵan.
Sonymen qatar, aldyn ala málimetter boiynsha, atalǵan mýtatsiia aldyńǵy shtamǵa qaraǵanda juqpalylyǵy 70% joǵary bolýy múmkin.
