Almaty politsiiasy kóshede qyzdyń izine túsip, sosyn podezge birge kirip, shabýyl jasaǵan belgisiz jigitke qatysty shaǵym boiynsha pikir bildirdi, - dep habarlaidy Tengrinews.kz.
2002 jyly týǵan qyzdyń ótinishi negizinde qylmystyq is Almaly aýdandyq politsiia basqarmasynda QR QK-nyń 120-baby "Zorlaý" boiynsha tirkelgen.
"Sotaldy tergep-tekserý júrgizý barysynda 2009 jyly týǵan (tolyq 14 jasta) kámeletke tolmaǵan K. anyqtaldy jáne ustaldy. Jigit qyzdy kópten beri kórmegen kútýshi áielmen shatastyryp alǵanyn túsindirdi. Jasóspirim shatasqanyn túsinip, qashyp ketken", - deidi politsiia baspasóz qyzmeti ókilderi.
Qazirgi ýaqytta tergeý materialdary ákimshilik shara qoldaný úshin jergilikti politsiia qyzmetine berilgen.
Eske sala keteiik, boijetken shildeniń aiaǵynda belgisiz jigit kóshede artynan ańdyp, podezge kirip, páter esigi aldynda shabýyldaǵanyn aityp shaǵymdanǵan bolatyn. Qyzdyń sózinshe, ol aýzyn jaýyp, keýdesinen ustaǵan, keiin qashyp ketken. Qyz politsiiaǵa júgingen, biraq onyń aitýynsha, is 22 qyrkúiekte jabylǵan.
