Qazaqstandyq Andrei Golýbev Kásipqoi tennisshiler qaýymdastyǵynyń (ATR) jańartylǵan reitingisinde juptyq synda 39-orynǵa kóterildi, dep habarlaidy "Ult aqparat".
Qazaqstan tennis federatsiiasy málim etkenindei, bul birden 43 satyǵa joǵarylaǵan Golýbevtiń sporttyq jolyndaǵy eń úzdik kórsetkishi bolyp tabylady.
Buǵan deiin Golýbevtiń úzdik nátijesi 2015 jylǵy naýryzdaǵy 65-oryn bolatyn.
Sonymen qatar ótken aptada Rolan Garros týrniriniń finalyna deiin jetken Aleksandr Býblik pen Andrei Golýbev ATP-nyń chempiondyq kestesinde 7-orynǵa shyqty. Bul – Qazaqstan tennisi tarihyndaǵy eń úzdik kórsetkish.
