Qasym-Jomart Toqaev joǵary deńgeidegi halyqaralyq shenýnik retinde tamasha jumys istedi. Mundai pikirdi reseilik diplomat, Máskeý memlekettik halyqaralyq qatynastar institýtynyń rektory Anatolii Torkýnov bildirdi, dep habarlaidy QazAqparat.
Anatolii Torkýnov «Eńserý» derekti filmi barysynda Máskeý memlekettik halyqaralyq qatynastar institýty túlekteriniń jetistigi, ásirese Qazaqstan Prezidenti qol jetkizgen biik mártebesi ár ýaqytta da úlken qýanysh ekendigin basa aitty.
«Bizdiń barlyq albomdar men qoiyn kitapshalardan Toqaevtyń sýretin jáne ol jaily jyly sózderdi mindetti túrde kóresiz. Jáne de bul jaǵympazdyq emes. Ol shyn máninde shynaiy, izgi sezim. Men Jenevada kezdestim. Ol jaqta da Jenevada turatyn jáne jumys isteitin Máskeý memlekettik halyqaralyq qatynastar institýty túlekteriniń qaýymdastyǵy qurylǵan. Qasym-Jomart Toqaevpen júzdestim. Ol joǵary deńgeidegi halyqaralyq sheneýnik retinde minsiz jumys istedi. Onyń diplomat retindegi qasietin erekshe atap ótkim keledi. Óitkeni, ulttyq elshilikte nemese ulttyq vedomstvoǵa basshylyq jasaý bir bólek. Al ondaǵan eldiń ókili sanalatyn san-alýan adamdarmen jumys isteý múldem bólek jait», - dedi reseilik diplomat.
