Anasyn balaǵattaǵan elordalyq 10 táýlikke qamaldy, dep habarlaidy "Ult aqparat" Politsiianyń baspasóz qyzmetine silteme jasap.
«Politseiler otbasylyq-turmystyq qylmystardyń aldyn alý maqsatynda úilerdi aralady. Tekseris kezinde ýchaskelik inspektorǵa egde jastaǵy ana 56 jastaǵy ulyna shaǵymdanǵan. Onyń aitýynsha, er adam úige mas kúide kelip, egde jastaǵy anasymen sózge kelip, balaǵat sózder aityp, psihologiialyq zorlyq kórsetken.
Buǵan deiin er adam ákimshilik jaýapkershilikke tartylyp, esepte turǵan. «Arnaiy aýdanaralyq ákimshilik sottyń sheshimimen ol 10 táýlikke qamaýǵa alyndy», - delingen habarlamada.
Eske sala keteiik, elordalyq politseiler 19-23 shilde aralyǵynda Nur-Sultan qalasynyń aýmaǵynda «Quqyqtyq tártip» jedel-aldyn alý sharalaryn ótkizýde.
