Qazaqstanda anasy sottalǵan sábidiń penitentsinarlyq balalar úiinde tárbielený merzimi uzartylmaq, dep habarlaidy "Ult aqparat".
QR IIM Qylmystyq-atqarý júiesi komiteti baspasóz qyzmetiniń málimetinshe, buǵan deiin anasy sottalǵan sábiler 3 jasqa deiin ǵana penitentsinarlyq balalar úiinde tárbielenetin.
Bala úsh jasqa tolǵanda anasy bostandyqqa shyǵyp nemese týystary alyp ketpese, onda ol balalar úiine jiberiletin.
«Endigi ýaqytta sottalǵan áiel 1 jyldyń ishinde bostandyqqa shyǵatyn bolsa, onda onyń sábii 3 jasqa tolǵannan keiin de penitentsiarlyq balalar úiinde tárbielený quqyǵyna ie bolady», - dep atap ótedi komitetten.
Aita keterligi, búgin «Jańa jaǵdaidaǵy penitentsinarlyq júie» taqyrybyndaǵy halyqaralyq onlain forým ótip, onda QR IIM Qylmystyq-atqarý júiesi komitetiniń tóraǵasy Janat Eshmaǵambetov osy máselege jan-jaqty toqtalǵan bolatyn.
Esterińizge sala keteiik, elimizde bir ǵana penitentsinarlyq balalar úii bar.
Ol Almaty oblystyq qylmystyq-atqarý júiesi departamentine qarasty LA-155/4 áielder koloniiasynda ornalasqan.
Búginde onda 15 ul jáne 15 qyz bala tárbielenip jatyr.
