Memlekettik organ basshylary qyzmetshilerdiń densaýlyǵyn jáne kúndelikti qyzmetterdi tolyqqandy oryndaý qabiletin saqtaýǵa jaǵdai jasaýy tiis. Bul týraly QR Memlekettik qyzmet isteri agenttiginiń tóraiymy Anar Jaiylǵanova aitty, dep habarlaidy "Ult aqparat".
«Osy kezeńde bizdiń otandastarymyzdyń jailylyǵy memlekettik organdarǵa bailanysty. Alaida qazir memlekettik mekemelerdiń úzdiksiz jumys isteýi úshin memlekettik qyzmetshilerdiń densaýlyǵyn saqtaýǵa kóńil bólý de óte mańyzdy. Osyǵan bailanysty aǵymdaǵy jaǵdaiǵa qaramastan óz mindetterin kúndelikti jáne adal oryndap júrgen memlekettik qyzmetshilerge úndeý joldaǵym kelip otyr», - dedi Anar Jaiylǵanova.
Osy rette agenttik tóraiymy memlekettik qyzmetshilerge Dúniejúzilik densaýlyq saqtaý uiymynyń jańa koronavirýstyq infektsiiasynyń aldyn alý jónindegi usynymdaryn qatań ustaýǵa shaqyrdy.
«Gigiena erejelerin saqtaý áriptesterińizdiń jáne azamattarymyzdyń arasynda COVID-19 taralmaýyna kómektesedi. Qalyptasqan jaǵdai koronavirýstyq infektsiianyń taralý qaýpin tómendetýge múmkindik beretin qosymsha qaýipsizdik sharalaryn qabyldaýdy talap etedi. Osyǵan bailanysty memlekettik organ basshylaryn memlekettik qyzmetshilerdiń densaýlyǵyn jáne kúndelikti qyzmetterdi tolyqqandy oryndaý qabiletin barynsha saqtaýǵa múmkindik beretin jaǵdai jasaýǵa shaqyramyz», - dedi ol.
