Shymkentte anadan qalǵan muraǵa bailanysty týǵan baýyrlar arasynda týyndaǵan daý sotta qaralyp, aqyry mediatsiia arqyly sheshimin tapty, dep habarlaidy ult.kz.
Is materialdaryna sáikes, talapker anasy qaitys bolǵannan keiin ózine tiesili mura úlesinen bas tartyp, ony baýyrlarynyń biriniń atyna rásimdegen. Alaida arada ýaqyt ótken soń ol bul sheshimin qaita qarap, muradan bas tartý týraly áreketti jaramsyz dep tanýdy jáne muragerlik quqyqtaryn qalpyna keltirýdi surap sotqa júgingen.
Talapker mundai qadamǵa psihologiialyq qysymnyń áserinen barǵanyn alǵa tartqan. Degenmen jaýapkerler bul ýájben kelispedi. Nátijesinde Shymkent qalasynyń aýdanaralyq azamattyq soty talap-aryzdy qanaǵattandyrýdan bas tartqan.
Keiin is apelliatsiialyq satyda qaralyp jatqan kezde taraptar ózara kelisimge kelýge sheshim qabyldady. Daýdy sot mediatsiiasy tártibimen retteý nátijesinde talapker bastapqy talaptarynan bas tartty.
Al onyń baýyry syiǵa tartý sharty negizinde mura quramyndaǵy páterdiń úlesin talapkerge berýge kelisti. Osylaisha turǵyn úidiń bir bóligi talapkerdiń ieligine ótetin boldy.
Kelisim sharttarynyń biri retinde úi iesine jyljymaityn múlikti ózge baýyrlarynyń kelisiminsiz satýǵa tyiym salyndy.
Sot mediativtik kelisimdi bekitip, is boiynsha óndiristi toqtatty.
