Almaty oblysynyń tilderdi damytý jónindegi basqarmasy memlekettik til saiasatyn iske asyrýda is sharalardyń nasihattalýyna ólsheýsiz úles qosyp otyrǵan respýblikalyq «Ana tili» gazetiniń 30 jyldyq mereitoiyna orai «Anamnyń tili – aibynym meniń!» atty pýblitsistikalyq shyǵarmalarǵa baiqaý jariialady, – dep habarlaidy «Ult aqparat».
Baiqaýdyń maqsaty - aqparat aidynynda 30 jyldan beri memlekettik tildiń damýy men ulttyq til qorynyń jasaqtalýyn nasihattap kele jatqan "Ana tili" gazetin qoldaý, basylymnyń Táýelsizdik jariialanǵannan bergi eldik turǵydaǵy asqan asýlary men rýhty qalaýly isterin pash etý. Sonymen qatar, Qazaqstanda turatyn barlyq etnostardyń tilderin saqtai otyryp, qazaqstandyq birtektilik pen birlikti nyǵaitýdyń asa mańyzdy faktory retinde memlekettik tildiń keń aýqymdy qoldanysyn arttyrý men qazaq tili álipbiin latyn grafikasyna kóshirýdiń mańyzdylyǵy men ómirsheńdigin jurtshylyqqa keńinen nasihattaý, - deidi uiymdastyrýshylar.
Baiqaý sharty boiynsha qatysýshy «Ana tili» gazetiniń 30 jyldyq mereitoiyna erkin taqyrypta bir shyǵarma arnaý. Qatysýshylardyń jas erekshelikterine shekteý joq. Shyǵarmalar 2020 jylǵy 20 qańtardan 10 naýryzǵa deiin qabyldanady.
Baiqaýǵa túsken barlyq shyǵarma iriktelip, úzdik dep tanylǵany «Ana tili» gazetinde jariialanady.
Baiqaý jeńimpazdary 2020 jylǵy Ulystyń uly kúni – Naýryz merekesi qarsańynda Basqarma men «Ana tili» gazeti redaktsiiasynyń arnaiy diplomy jáne bekitilgen júlde qorynyń kólemindegi syilyqtarmen marapattalady.
