2020 jylǵy qańtar-sáýir aralyǵynda balaly otbasylarǵa áleýmettik qoldaý kórsetý sheńberinde respýblikalyq biýdjetten, sondai-aq Memlekettik áleýmettik saqtandyrý qorynan (MÁSQ) jalpy somasy 190 mlrd teńge bólindi, - dep habarlaidy QR Eńbek jáne halyqty áleýmettik qorǵaý ministrliginiń baspasóz qyzmeti.
Máselen, 111,5 myń adam (jalpy somasy 13 mlrd teńge bolatyn) bala týǵanda beriletin bir jolǵy járdemaqyny, al sáýirde osyndai tólemdi 31,4 myń adam (3,7 mlrd teńge) aldy.
Bala bir jasqa tolǵanǵa deiin onyń kútimine bailanysty ai saiynǵy járdemaqyny orta eseppen 139,9 myń adam alady, olarǵa 11,9 mlrd teńge tólendi. Sáýir aiynda bul járdemaqyny 140,7 myń adam aldy (3,1 mlrd teńge).
«Altyn alqa», «Kúmis alqa» alqalarymen marapattalǵan nemese buryn «Batyr ana» ataǵyn alǵan, I jáne II dárejeli «Ana dańqy» ordenderimen marapattalǵan kópbalaly analarǵa tólenetin ai saiynǵy járdemaqymen orta eseppen 233,9 myń áiel adam qamtyldy, sáýir aiynda 234,5 myń adamǵa 4 mlrd teńge tólendi.
4 jáne odan da kóp kámeletke tolmaǵan balalary bar otbasylarǵa arnalǵan járdemaqymen orta eseppen 384,9 myń otbasy qamtylǵan(jalpy somasy 73,5 mlrd teńge), sáýir aiynda 396,5 myń adam járdemaqy aldy (19 mlrd teńge).
Múgedek bala tárbielep otyrǵan adamdarǵa tólenetin járdemaqyny 88,4 myń adam (jalpy somasy 15,8 mlrd teńge) aldy, sáýir aiynda 90 myń adamǵa 4,1 mlrd teńge tólendi.
18 jastan asqan bala kezinen birinshi toptaǵy múgedekke kútim jasaý boiynsha ai saiynǵy jańa járdemaqyny orta eseppen 14,4 myń adam alady, olarǵa 2,6 mlrd teńge tólendi, sáýirde 14,6 myń adamǵa 644,9 mln teńge tólendi.
Bolashaq ana bosanýǵa tolyq daiyn bolýy úshin 2008 jyldan bastap Memlekettik áleýmettik saqtandyrý qorynyń qarajaty esebinen mindetti áleýmettik saqtandyrý júiesine qatysýshy jumys isteitin áielder júktilik jáne bosaný úshin birjolǵy tólem alady. 2020 jyly ony jalpy somasy 25,9 mlrd teńgege 61,7 myń adam aldy. Sáýir aiynda tólemdi 4,9 mlrd teńge somasyna 9,8 myń adam aldy.
MÁSQ-tan bala bir jasqa tolǵanǵa deiin onyń kútimi boiynsha ai saiynǵy járdemaqy júrgiziledi. Aǵymdaǵy jylǵy qańtar-sáýir ailarynda ony 31,1 mlrd teńgege 273 myń adam, sáýir aiynda 7,8 mlrd teńgege 218,4 myń adam aldy.
