Azamattyq aviatsiia komiteti AN-2 ushaǵynyń qulaýyna bailanysty komissiia qurylǵanyn habarlady.
«Áýe kemesiniń operatory «Jeńil jáne asa jeńil aviatsiiany paidalanýshylar» («ELISA») qaýymdastyǵy nysanyndaǵy Zańdy tulǵalar birlestigi áýe kemesin paidalanýshy bolyp tabylady. Atalǵan fakti boiynsha komissiia quryldy, QR Indýstriia jáne infraqurylymdyq damý ministrliginiń aviatsiialyq oqiǵalardy jáne oqys oqiǵalardy tergeý basqarmasy tergeý júrgizedi», delingen komitet habarlamasynda.
Sonymen qatar kóliktegi politsiia departamentiniń baspasóz qyzmeti atalǵan oqiǵaǵa qatysty 344-baptyń 1-bóligi «qozǵalys qaýipsizdigi nemese áýe kóligin paidalaný erejelerin buzý» faktisi boiynsha sotqa deiingi tergeýdi bastalǵanyn aitty.
Eske salsaq, Qyzylorda qalasynyń Qaraýyltóbe aýylynan 12 shaqyrym jerde kúrish egistigin óńdeý kezinde AN-2 ushaǵy qulaǵan bolatyn.
