Memleket basshysy Nursultan Nazarbaevtyń Jarlyǵymen Asqar Myrzahmetov QR Premer-Ministriniń orynbasary - Aýyl sharýashylyǵy ministri bolyp taǵaiyndaldy, dep habarlaidy "Ult aqparat".
Elbasy «A.I. Myrzahmetovti Qazaqstan Respýblikasy Premer-ministriniń orynbasary – Qazaqstan Respýblikasy aýyl sharýashylyǵy ministri qyzmetine taǵaiyndaý týraly» Jarlyqqa qol qoidy.
Asqar Myrzahmetov 1962 jyly 1 qazanda Shymkent qalasynda týǵan.
1984 jyly Almaty zooveterinarlyq institýtyn «Zooinjener» mamandyǵy boiynsha aiaqtaǵan;
Eńbek ótili: Qazaqstannyń qarakól sharýashylyǵy ǵylymi-zertteý institýtynyń kishi ǵylymi qyzmetkeri (1984-1985); Qazaqstannyń mal sharýashylyǵy ǵylymi-zertteý institýtynyń aǵa ǵylymi qyzmetkeri (1988-1991);
«Qazaqstan» respýblikalyq birjasynyń vitse-prezidenti, Orta Aziia jáne Qazaqstan birjalary Qaýymdastyǵynyń Basqarma tóraǵasy, «Elektrondy sýpermarket» AQ prezidenti (1991-1995); «Tasmo» investitsiialyq firmasynyń Bas direktory (1995-1996); «Agro-lizing» AQ Bas direktory (1996-1999);
Qazaqstan Respýblikasy Premer-Ministriniń shtattan tys keńesshisi (1997-1999);
Qazaqstan kásipkerleri Forýmy keńesiniń tóraǵasy (1999 jyldyń naýryzynan tamyzyna deiin);
Qazaqstan Respýblikasy aýyl sharýashylyǵy vitse-ministri (1999-2002);
Qazaqstan Respýblikasy aýyl sharýashylyǵy birinshi vitse-ministri (2002-2005);
Qazaqstan Respýblikasy Aýyl sharýashylyǵy ministrligi Orman jáne ańshylyq sharýashylyq komiteti tóraǵasynyń mindetin atqarýshy (2003-2004);
Qazaqstan Respýblikasy Aýyl sharýashylyǵy ministri (2005-2006);
Ózbekstan Respýblikasyndaǵy Qazaqstan Respýblikasynyń Tótenshe jáne Ókiletti Elshisi (2006-2007);
«Ońtústik» Áleýmettik-kásipkerlik korporatsiiasy» Ulttyq kompaniiasy» AQ basqarmasynyń tóraǵasy (2007-2009);
Ońtústik Qazaqstan oblysynyń ákimi (2009-2015);
«Nur Otan» partiiasy tóraǵasynyń birinshi orynbasary (2015 jyldyń tamyzynan bastap);
2016 jyldyń mamyrynan Elbasynyń Jarlyǵymen Qazaqstan Respýblikasy aýyl sharýashylyǵy ministri bolyp taǵaiyndaldy.
2016 j. 14 maýsymda Memleket basshysynyń Jarlyǵymen Qazaqstan Respýblikasy Premer-Ministriniń orynbasary - Qazaqstan Respýblikasy Aýyl sharýashylyǵy ministri bolyp taǵaiyndaldy.
