Qazaqstan Respýblikasy Prezidenttigine úmitker Ámirjan Qosanovtyń sailaýaldy shtaby Qaraǵandy oblysynyń ortalyǵynda jáne aýdandarynda sailaý baqylaýshylaryna arnap seminar-trening ótkizdi. Bul jóninde kandidattyń baspasóz qyzmeti habarlady.
Ámirjan Qosanov shtaby sailaý kúni ýchaskelerde daýys berý protsesin qadaǵalaityn baqylaýshylar úshin seminarlar ótkizýdi jalǵastyryp jatyr.
Saiasattanýshy Dos Kóshim baqylaýshylardyń quqyqtary men mindetteri, sailaý kezinde oryn alýy yqtimal túrli jaǵdailardaǵy áreketi jaily túsindirdi. Qatysýshylar qyzyǵýshylyq tanytqan taqyryptaryn kóterip, barlyq ózekti suraqtaryna jaýap aldy.
Elimizdiń barlyq óńirlerinde bolashaq baiqaýshylar bul protseske shynaiy qyzyǵýshylyq tanytýda.
