Memleket basshysy Qasym-Jomart Toqaevtyń ókimimen Ámirhan Muratbekuly Rahymjanov «Qazaqstan Respýblikasynyń Tuńǵysh Prezidenti – Elbasynyń kitaphanasy» memlekettik mekemesiniń direktory qyzmetinen bosatyldy, dep habarlaidy "Ult aqparat" bul týraly Aqordaǵa silteme jasap.
Eske salaiyq, Á.Rahymjanov «Nur Otan» partiiasynan Parlament Májilisine depýtat boldy.
Elimizde Májiliske jáne jergilikti máslihattarǵa sailaý 10 qańtar kúni ótti.
Onyń nátijesinde Parlamenttiń tómengi palatasyna depýtattyq mandattarǵa 3 partiia ie boldy: «Nur Otan» partiiasy (76 mandat), Qazaqstannyń «Aq jol» demokratiialyq partiiasy (12 mandat), Qazaqstan Halyq partiiasyna (10 mandat).
Sondai-aq 9 depýtat Qazaqstan halqy Assambleiasynan sailandy.
QR Parlamenti Májilisiniń depýtattyq korpýsy barlyǵy 107 adamnan turady.
