Aldymyzdaǵy 2019 jyly qazaq ádebietinde poeziiasy men syni hám rýhani-tanymdyq maqalalary arqyly qubylys bop kelip, keńinen tanylǵan marqum Ámirhan Balqybektiń 50 jyldyq mereitoiy ótedi. Qazaq ádebieti tarihyndaǵy bul aitýly dataǵa daiyndyq bastalyp ta ketti.
Búgin Qazaqstan Jazýshylar odaǵynda Aqberen Elgezektiń tóraǵalyǵymen, aqynnyń jary Marhabat Shoibekova, aǵalary men úzeńgles dostary Qazybek Isa, Baýyrjan Qarabekov, Jaras Sársek, Maraltai Raiymbekuly, Dáýren Qýat, Sáken Sybanbai, Álibek Shegebai men inileri Nurtas Turǵanbek pen Doshan Jylqybai qatysqan jinalys ótip, aqynnyń 50 jyldyq mereitoiynyń joba-jospary talqylandy.
Kóterilgen negizgi máseleler mynalar:
1. Aqynnyń mereitoilyq sharalaryn týǵan jerinde – Túrkistan oblysynda ótkizý;
2. Túrkistan oblysynyń ákimi Janseiit Túimebaev myrzaǵa Túrkistan qalasynda mektep, kitaphanaǵa nemese saiabaqqa Ámirhan Balqybektiń atyn berip, aldyna biýstin ornatý jónindegi usynyspen shyǵý;
3. Aqynnyń 3 tomdyq tolyq shyǵarmalar jinaǵyn shyǵarý;
4. Ámirhan Balqybek atyndaǵy Respýblikalyq jyr músháirasyn ótkizý;
5. Almaty qalasynda qalamgerdiń asyn ótkizý.
Jospar boiynsha bul jáne basqa da sharalar 2019 jyldyń mamyr men qazan ailary aralyǵynda iske asyrylady.
Atalǵan jospardy iske asyrý jóninde uiymdastyrý komiteti quryldy. Onyń jetekshisi bolyp Qazaqstan Jazýshylar odaǵy tóraǵasynyń birinshi orynbasary Aqberen Elgezek sailandy.
P.S. Búgingi ádebiette júrgen árbir aqyn nemese jazýshy ómirinde bir ret bolsyn Ámirhanmen ushyrasqany sózsiz. Árbirinde aqynnyń jarqyn beinesi týraly estelik bar. Artynda qalǵan biz úshin sol estelikterdi qaǵazǵa túsirý – árýaq aldyndaǵy paryzymyz desek qatelespeimiz.
Egerde sizdiń Ámirhan Balqybek jaiynda aitar esteligińiz bolsa, hatqa túsirip Qazaqstan Jazýshylar odaǵynyń writerskz@gmail.com elektrondy poshtasyna jiberýlerińizdi ótinemiz! Estelikter qyrkúiek aiynyń sońyna deiin qabyldanady!
Qazaqstan Jazýshylar odaǵy
