«Qazaqfilm» kinostýdiiasy túsirgen «Ámire» filminiń qazaq tilindegi treileri shyqty, dep habarlaidy "Ult aqparat".
Mádeniet jáne sport ministrligi tapsyrysy boiynsha Sh.Aimanov atyndaǵy «Qazaqfilm» AQ jáne Álidar Ótemuratovtyń «Dar Play» kompaniiasymen birlese qolǵa alynǵan «Ámire» filminiń túsirý jumystary búgingi kúni tolyǵymen aiaqtalǵan. Búgin kinotýyndynyń túsirý toby kartinanyń qazaq tilindegi treilerin jaryqqa shyǵaryp otyr.
Ámire Qashaýbaevtyń ómir jolyna arnalǵan kórkem film 2018 jyly 5 sáýirde ulttyq prokatqa qazaq (orys tilinde sýbtitrleri bar) jáne orys tilderinde (qazaq tilinde sýbtitrleri bar) shyǵady.
«Halyqaralyq túsirilim tobynyń quramynda: amerikalyq qoiýshy-rejisser Djef Vespa (Jeff Vespa), operator - Maksim Osadchii («9 rota», «Stalingrad») bar. Filmniń stsenariiin jazǵan Benjamin A. van der Vin (Benjamin A. van der Veen). Basty rólderdi otandyq akterler Sanjar Mádiev (Ámire) jáne Erkebulan Daiyrov (Mustafa Shoqai) somdaǵan. Sonymen qatar, britandyq akter Ben Aldridj (Ben Aldridge) jáne «Oblast tmy», «Tri bilborda na granitse Ebbinga, Missýri» filmderi arqyly tanylǵan amerikalyq aktrisa Ebbi Kornish (Abbie Cornish) jáne basqa da akterler túsken», - dep habarlaidy kinostýdiianyń baspasóz qyzmeti.
Kartinanyń bas prodiýseri, DAR kompaniiasynyń negizin qalaýshy Álidar Ótemuratov Ámiredei erekshe daryn iesi týraly kópshiliktiń bilgeni mańyzdy ekenin aitady.
«Biz zamandastarymyzǵa Ámire Qashaýbaevtyń qiyn ómir jolyn jáne filmde shyrqalatyn onyń daýysyn estýge múmkindik bergimiz keledi. Ámireni jaqyn tanyp, ulttyq dástúrli ónermen etene tanysqan otandastarymyzdyń boiynda maqtanysh sezimi oianady dep senemin. Óitkeni, bizdiń mýzyka mádenietin qalyptastyrǵan osyndai adamdar, esimder bizdiń tarihymyzda qalýǵa tiisti. Álem kinematografiiasynda mýzyka dramasy janrynda túsirilgen filmder kóp emes. Sondyqtan otandyq kórermenderge bul janrdaǵy kartinany kórip, ótken ǵasyrdyń 30-jyldaryna saiahat jasaý qyzyqty bolýǵa tiisti dep oilaimyn», - deidi ol.
