«ەمٸرە» فيلمٸنٸڭ قازاق تٸلٸندەگٸ ترەيلەرٸ شىقتى

«قازاقفيلم» كينوستۋديياسى تٷسٸرگەن «ەمٸرە» فيلمٸنٸڭ قازاق تٸلٸندەگٸ ترەيلەرٸ شىقتى, دەپ حابارلايدى "ۇلت اقپارات".

مەدەنيەت جەنە سپورت مينيسترلٸگٸ تاپسىرىسى بويىنشا ش.ايمانوۆ اتىنداعى «قازاقفيلم» اق جەنە ەليدار ٶتەمۇراتوۆتىڭ «Dar Play» كومپانيياسىمەن بٸرلەسە قولعا الىنعان «ەمٸرە» فيلمٸنٸڭ تٷسٸرۋ جۇمىستارى بٷگٸنگٸ كٷنٸ تولىعىمەن اياقتالعان. بٷگٸن كينوتۋىندىنىڭ تٷسٸرۋ توبى كارتينانىڭ قازاق تٸلٸندەگٸ ترەيلەرٸن جارىققا شىعارىپ وتىر.

ەمٸرە قاشاۋباەۆتىڭ ٶمٸر جولىنا ارنالعان  كٶركەم فيلم 2018 جىلى 5 سەۋٸردە ۇلتتىق پروكاتقا قازاق (ورىس تٸلٸندە سۋبتيترلەرٸ بار) جەنە ورىس تٸلدەرٸندە (قازاق تٸلٸندە سۋبتيترلەرٸ بار) شىعادى.

«حالىقارالىق تٷسٸرٸلٸم توبىنىڭ قۇرامىندا: امەريكالىق قويۋشى-رەجيسسەر دجەف ۆەسپا (Jeff Vespa), وپەراتور - ماكسيم وسادچيي («9 روتا», «ستالينگراد») بار. فيلمنٸڭ ستسەنارييٸن جازعان بەنجامين ا. ۆان دەر ۆين (Benjamin A. van der Veen). باستى رٶلدەردٸ وتاندىق اكتەرلەر سانجار مەديەۆ (ەمٸرە) جەنە ەركەبۇلان دايىروۆ (مۇستافا شوقاي) سومداعان. سونىمەن قاتار, بريتاندىق اكتەر بەن الدريدج (Ben Aldridge) جەنە «وبلاست تمى», «تري بيلبوردا نا گرانيتسە ەببينگا, ميسسۋري» فيلمدەرٸ ارقىلى تانىلعان امەريكالىق اكتريسا ەببي كورنيش (Abbie Cornish) جەنە باسقا دا اكتەرلەر تٷسكەن», - دەپ حابارلايدى كينوستۋدييانىڭ باسپاسٶز قىزمەتٸ.

كارتينانىڭ باس پروديۋسەرٸ, DAR كومپانيياسىنىڭ نەگٸزٸن قالاۋشى ەليدار ٶتەمۇراتوۆ ەمٸرەدەي ەرەكشە دارىن يەسٸ تۋرالى كٶپشٸلٸكتٸڭ بٸلگەنٸ ماڭىزدى ەكەنٸن ايتادى. 

«بٸز زامانداستارىمىزعا ەمٸرە قاشاۋباەۆتىڭ قيىن ٶمٸر جولىن جەنە فيلمدە شىرقالاتىن ونىڭ داۋىسىن ەستۋگە مٷمكٸندٸك بەرگٸمٸز كەلەدٸ. ەمٸرەنٸ جاقىن تانىپ, ۇلتتىق دەستٷرلٸ ٶنەرمەن ەتەنە تانىسقان وتانداستارىمىزدىڭ بويىندا ماقتانىش سەزٸمٸ ويانادى دەپ سەنەمٸن. ٶيتكەنٸ, بٸزدٸڭ مۋزىكا مەدەنيەتٸن قالىپتاستىرعان وسىنداي ادامدار, ەسٸمدەر بٸزدٸڭ تاريحىمىزدا قالۋعا تيٸستٸ. ەلەم كينەماتوگرافيياسىندا مۋزىكا دراماسى جانرىندا تٷسٸرٸلگەن فيلمدەر كٶپ ەمەس. سوندىقتان وتاندىق كٶرەرمەندەرگە بۇل جانرداعى كارتينانى كٶرٸپ, ٶتكەن عاسىردىڭ 30-جىلدارىنا ساياحات جاساۋ قىزىقتى بولۋعا تيٸستٸ دەپ ويلايمىن», - دەيدٸ ول.